- Sayt test rejimida ishlamoqda!
- Sayt test rejimida ishlamoqda!
- Sayt test rejimida ishlamoqda!
Yangiliklar
BOYITILGAN UN 95 FOIZGACHA O'ZINING OZUQAVIY MODDALARINI SAQLAB QOLADI
Bug'doy
unining inson organizmiga xos bo'lgan xususiyatlari qanday?
Un qaysi
dondan olinganligiga qarab, bug‘doy, javdar, arpa, suli makkajo‘xori, guruch
uni va boshqa turlarga bo‘linadi. Un oziq-ovqat sanoatining bir qator
tarmoqlari, birinchi navbatda novvoylik, qandolatchilik va makaron sanoati uchun
xomashyo hisoblanadi. Unning asosiy turlarini bug'doy va javdar unlari tashkil
qiladi. Umumiy ishlab chiqarilayotgan unning 90 foizga yaqin miqdori bug‘doy
uniga to‘g‘ri keladi. Xossalari va tayyorlanish texnologiyasiga ko‘ra un nonbop
va makaronbop tiplarga bo'linadi. Unning navi 100 kg. dondan olingan un
miqdori, ya’ni chiqishi bilan belgilanadi. Unning chiqishi qanchalik yuqori
bo‘lsa, uning navi shunchalik past bo‘ladi.
Bug'doy
donidan oliy, birinchi, ikkinchi va jaydari, javdar donidan-elanma, sidirma,
jaydari un navlari olinadi.
Bug'doy
unining muhimligining asosiy sabablaridan biri uning ozuqaviy qiymatidir.
Bug'doy uni uglevodlar, oqsillar, B va E vitaminlari kabi vitaminlarning ajoyib
manbai hisoblanadi. Bu oziq moddalar sog'lom tana funksiyalarini saqlash uchun
zarurdir va ular odamlarni kundalik faoliyati uchun zarur energiya bilan
ta'minlaydi.
Tegirmonlarda
bug'doy unini ishlab chiqarilayotganda un vitaminlar, temir moddasi bilan
to'yintiriladi. Bu moddalarga ishlov berish jarayonida qiymatini yo'qotmasligi
uchun yakuniy bosqichda qo'shiladi va yaxshilab aralashtiriladiki, natijada bir
siqim unda ham barcha ozuqaviy moddalar mavjudligiga erishiladi.
Boyitilgan
bug'doy unidan tayyorlangan taomlar o'z xususiyatini yo'qotadimi?
Boyitilgan
undan pishirilgan taom, non va boshqa mahsulotlar o'z xususiyatini yo'qotmaydi,
ta'mida ham o'zgarishlar bo'lmaydi. Non yopish jarayonida boyitilgan un 95
foizgacha o'zining ozuqaviy moddalarini saqlab qoladi.
Sanepidqo`mita Axborot xizmati
So’ngi yangiliklar