- Sayt test rejimida ishlamoqda!
- Sayt test rejimida ishlamoqda!
- Sayt test rejimida ishlamoqda!
Yangiliklar
BUGʻDOY UNI MIKRONUTRIYENTLAR BILAN QANDAY BOYITILADI?
Xalqimizda un mahsulotlari eng ko‘p iste’mol qilinadigan
mahsulotlar turkimiga kiradi. Unga ishlov berish chog‘ida, afsuski tarkibidagi
ozuqaviy moddalarnig aksariyat qismi yo‘qolib ketadi. Shuning uchun barcha
kerakli moddalarni yana unga qaytarish lozim. Qanday qilib deysizmi?
Bunga faqat unni boyitish bilan erishish mumkin. Aniqroq
qilib aytadigan bo‘lsak, tegirmonlarda un ishlab chiqarilayotganda un
vitaminlar, foliy kislotasi va temir moddasi bilan to‘yintiriladi. Bu
moddalarga ishlov berish jarayonida qiymatini yo‘qotmasligi uchun yakuniy
bosqichda qo‘shiladi va yaxshilab aralashtiriladi, natijada bir siqim unda ham
barcha ozuqaviy moddalar mavjudligiga erishiladi. Boyitilgan undan pishirilgan
taom, non va boshqa mahsulotlar o‘z xususiyatini yo‘qotmaydi, ta’mida ham
o‘zgarishlar bo‘lmaydi. Non yopish jarayonida boyitilgan un 95 foizgacha
o‘zining ozuqaviy moddalarini saqlab qoladi.
Bug‘doy unini
boyitish uchun xalqaro standart talablari bilan uyg‘unlashtirilgan, amalda
qo‘llanilayotgan vitamin mineral aralashma (VMA) asosidagi (vitamin va
minerallar) va JSST, Qozog‘iston respublikasi Ovqatlanish Akademiyasi
mutaxassislari, Sog‘liqni saqlash vazirligi,
xalqaro hamda hududiy ekspertlar
tavsiyalarini inobatga olgan holda, oliy
navli bug‘doy unini boytish uchun tegishli me’yorlarni qo‘llash taklifi qabul
qilindi.
Mikronutriyentlar inson organizmiga kam miqdorda (odatda
kuniga 100 mg dan kam) zarur bo‘lgan elementlar hisoblanadi. Mikronutriyentlar
tarkibiga inson tanasi o‘z-o‘zidan hosil qila olmaydigan mikrominerallar va
vitaminlar kiradi. Ular metabolizm, inson miyasi va asab tizimining ishlashi,
qon ivishining oldini olish va immun tizimining rivojlanishida muhim rol
o‘ynaydi. Qisqa qilib aytganda, inson tanasida biron bir jarayon
mikroelementlar ishtirokisiz o‘tmaydi.
Mikroelementlarning
ovqatlanish ratsioniga muntazam ravishda qo‘shilishi salomatlikni
saqlash va mustahkamlashning oddiy va juda samarali usulidir.
Sanepidqo`mita
Axborot xizmati
@sanepidcommittee
So’ngi yangiliklar